Cada unha das seis bolsas terá unha duración de doce meses. O inicio das mesmas comunicarase aos beneficiarios simultaneamente á notificación da concesión. As bolsas terminarán o 31 de decembro de 2022. 

A contía total da bolsa será de doce mil novecentos euros (12.900 €) brutos, que se percibirán finalizado cada mes a razón dunha contía bruta de mil setenta e cinco euros (1.075 €) e que estarán suxeitos ás retencións que proceda.

Así mesmo, os beneficiarios da bolsa contarán coa cobertura outorgada pola Seguridade Social, segundo a normativa vixente en cada momento e dentro dos requisitos e condicións propios deste tipo de bolsas.

As bolsas serán indivisibles, improrrogables e incompatibles con calquera outra concedida para o mesmo período ou con calquera outro traballo remunerado.