A Consellería de Educación, Ciencia, Universidades e FP convoca axudas para facilitar que persoas tituladas universitarias en situación de desemprego poidan cursar un máster universitario oficial nas universidades do Sistema Universitario de Galicia (SUG) durante o curso 2026/27.

Esta iniciativa busca impulsar a especialización académica e profesional das persoas desempregadas, mellorando a súa empregabilidade e as posibilidades de acceso ao mercado laboral.

Contía da axuda: entre 591 € e 835,80 €, cubrindo o importe dos créditos matriculados por primeira vez, ata un máximo de 60 créditos.

Prazo de solicitude: do 6 de agosto ao 6 de outubro de 2026.

Requisitos principais:

Estar en situación de desemprego no momento da solicitude.

Ter finalizados os estudos universitarios que dan acceso ao máster antes do 30 de setembro de 2025.

Matricularse por primeira vez nun máster universitario oficial de 60, 90 ou 120 créditos impartido por unha universidade do SUG.

Criterio de concesión: as axudas outorgaranse en réxime de concorrencia competitiva, tendo prioridade as persoas con maior antigüidade como demandantes de emprego no Servizo Público de Emprego de Galicia.

Presentación de solicitudes: exclusivamente por vía telemática a través da Sede electrónica da Xunta de Galicia. https://sede.xunta.gal/es/detalle-procedemento?codtram=ED421A&ano=2026&numpub=1