As persoas desempregadas que cobran o paro (prestación contributiva) do Servizo Público de Emprego Estatal (SEPE) poden compatibilizar a súa prestación se atopan un traballo. Aínda que esta compatibilidade está actualmente limitada a que o traballo sexa a tempo parcial. Unha normativa que vai cambiar o vindeiro martes 1 de abril e que mellora esta compatibilidade.
A partir do 1 de abril de 2025, entra en vigor unha medida que permitirá aos desempregados/as compatibilizar a súa prestación por desemprego cun traballo, mesmo se é a xornada completa. Ata o de agora, esta posibilidade só existía para aqueles que atopaban un emprego a tempo parcial.
Esta nova medida, recollida na Real Decreto-lei 2/2024 e publicada no Boletín Oficial do Estado (BOE), introduce o chamado complemento de apoio ao emprego, que permitirá a certos traballadores/as seguir cobrando parte da súa prestación mentres traballan.
Requisitos para compatibilizar paro e emprego
Non todas as persoas desempregadas poderán acceder a esta axuda.
Para beneficiarse do complemento de apoio ao emprego, será necesario cumprir dúas condicións:
Límite de ingresos: O salario do novo emprego non poderá superar o 225% do IPREM, o que equivale a 1.350 euros mensuais.
A partir de 2026, este límite aumentará ata o 375% do IPREM. Duración do paro previo:
Só poderán acceder quen teña aprobada unha prestación por desemprego de polo menos 12 meses e que xa transcorresen 9 meses desde o inicio da cobranza.
Contía e duración da prestación compatible
A cantidade que o desempregado/a poderá seguir cobrando mentres traballa variará segundo o tempo que leve recibindo a prestación e o tipo de xornada laboral.
