Son prestacións económicas que se recoñecen aos cidadáns que carecen de recursos suficientes para a súa subsistencia, mesmo cando non cotizasen nunca á Seguridade ou non cotizasen o tempo suficiente para poder solicitar as prestacións contributivas.
Que tipos de pensións non contributivas hai? As pensións non contributivas poden ser de xubilación ou de invalidez.
Como se determina a contía de ambas as pensións non contributivas? A contía anual das pensións non contributivas establécese cada ano na Lei de Orzamentos Xerais do Estado. En tanto se aproben, o Goberno acordou un incremento do 6,9% para reducir a brecha existente entre a contía das pensións mínimas e o limiar da pobreza.
Con carácter xeral, fixouse en 7.250,60 euros para 2024, tanto para as pensións de xubilación como para as de invalidez.
A contía individual para cada pensionista determínase a partir dese importe íntegro e do número de beneficiarios de pensión non contributiva integrados na mesma unidade económica de convivencia.
Cal é o requisito principal para solicitar unha pensión non contributiva de invalidez ou de xubilación? Carecer de ingresos ou ter ingresos inferiores a 7.250,60 euros anuais en cómputo anual, para 2024. Se o solicitante convive con familiares, a suma das rendas ou ingresos anuais de todos os membros da súa unidade económica de convivencia teñen que ser inferiores a determinadas contías: TES O RESUMO NESTA LIGAZÓN: chrome-extension://efaidnbmnnnibpcajpcglclefindmkaj/https://imserso.es/documents/20123/1595507/pncresumen2024.pdf/62e24a0f-cede-5580-326e-2baebbf2ad3c
Que requisitos específicos hai que cumprir para solicitar unha pensión non contributiva de xubilación? A pensión non contributiva de xubilación garante aos cidadáns que cumpran estes requisitos unha prestación económica, asistencia médico-farmacéutica gratuíta e servizos sociais complementarios.
- Ter 65 anos ou máis na data da solicitude
- Residir legalmente en territorio española durante 10 anos, entre os 16 anos e a data de pagamento da pensión, dos cales dous anos teñen que ser consecutivos e anteriores á solicitude da pensión.
Que requisitos específicos hai que cumprir para solicitar unha pensión non contributiva de invalidez?
- Ser maior de 18 anos e menor de 65 na data da solicitude
- Residir legalmente en territorio español durante cinco anos, os dous últimos seguidos xusto antes da data da solicitude
- Ter unha discapacidade ou enfermidade crónica nun grao igual ou superior ao 65%.
Quen xestiona as pensións non contributivas?
A xestión destas pensións non contributivas está atribuída aos órganos competentes de cada Comunidade Autónoma e ás Direccións provinciais do Instituto de Maiores e Servizos Sociais (IMSERSO) nas cidades de Ceuta e Melilla.
*No caso da Estrada, desde o departamento de emprego do Concello da Estrada, botámosche unha man!!!! podes chamarnos ao teléfono 986 677 740 ou pasarte polas nosas oficinas sen necesidade de cita previa en horario de 9.00a 14.00 horas.