A Confederación Española de Asociacións de Novos Empresarios, CEAJE, organiza a décimo oitava edición do Premio Nacional Novo/a Empresario/a co obxecto de recoñecer e premiar o labor, e o éxito, daqueles/as empresarios/as, menores de 41 anos, que, co seu esforzo e dedicación, conseguisen consolidar o seu proxecto e que a súa empresa sexa competitiva, contribuíndo día a día a crear riqueza e xerar emprego na nosa sociedade. Este ano este acto tamén ten como obxectivo principal recoñecer o labor de empresas, institucións e organizacións durante a Covid-19, no mantendo no tecido social e empresarial de España.

Ademais do Premio Nacional Novo/a Empresario/a, hai diferentes accésits: á Innovación, ao/á Empresario/a Autónomo/a, á Internacionalización, á Sustentabilidade e ao Compromiso Social, á Substitución Xeracional, á Hostalería e ao Novo/a Empresario/a Iberoamericano/a.

As persoas que desexen concorrer a estes Premios deberán cumprimentar o modelo de Memoria Técnica e Económica que se pon ao dispor dos candidatos na web de Premio, así como achegar en formato electrónico a documentación formal acreditativa do cumprimento dos requisitos para participar. A documentación deberá ser recompilada nun pen- drive e remitida por correo certificado dentro dun sobre pechado xunto ao nome do empresario/a, o Premio e/ou Accésit ao que opta.

​Data fin de entrega de candidaturas: 30 de xaneiro de 2021.

Requisitos

• Cuxa data de nacemento sexa posterior ao 1 de xaneiro de 1980.
• Cuxa participación na sociedade implique o control da mesma, ocupe un posto de dirección, con liderado, e sexa o/a principal impulsor/a e responsable dos recentes éxitos da empresa.
• Cuxo domicilio social e actividade principal radique no territorio español (salvo no accésit novo empresario iberoamericano).
• A iniciativa deberá ter unha antigüidade de polo menos tres anos.

Dirección
Confederación Española de Asociacións de Novos Empresarios

​ C/ Principe de Vergara, 74, 3ª planta, 28006 Madrid​

Dotación
Tanto o Premio Nacional Novo/a Empresario/a como os seus accésits non teñen dotación económica, aínda que si unha gran repercusión en medios de comunicación. Aos/ás gañadores/as entregaráselles unha escultura en bronce, creada especialmente para este Premio, e que representa a unión de dúas mans como símbolo de esforzo e dedicación. Pola súa banda os accésit estarán dotados dun recoñecemento. A entrega do Premio realizarase nesta ocasión na cidade de Madrid.

Máis Información
Tlfno: 91 435 09 05
Este enderezo de correo está a ser protexido dos robots de correo lixo. Precisa activar o JavaScript para velo.

https://www.premionacionalceaje.com/presenta-candidatura?lang=es