A finalidade desta convocatoria é promover e incentivar a investigación nos centros docentes que impartan ensinos de etapas previas á universidade, mediante a concesión de premios a traballos relevantes de investigación científica ou tecnolóxica realizados polos alumnos de Ensino Secundario Obrigatorio, Bacharelato ou Formación Profesional.
Está dirixido a novos/as estudantes de entre 15 e 20 anos, busca espertar vocacións científicas nas etapas previas á universidade, enfrontándolles a un triplo reto: explorar a súa contorna para identificar algún interrogante cuxa explicación descoñezan; documentarse sobre o tema, e propoñer e demostrar empíricamente unha solución para o seu problema.
PERSOAS BENEFICIARIAS
Estudantes matriculados/as en centros docentes de Ensino Secundario Obrigatorio Bacharelato e Formación Profesional durante o curso 2020-2021.
Os/as participantes deben ter nacionalidade española ou residencia legal en España, cumprir quince anos antes do 31 de decembro de 2020 e non ter vinte e un anos ao 30 de setembro de 2021.
Poderá ampliarse a idade, no caso de que os participantes sexan persoas con discapacidade, sempre que cumpran o resto dos requisitos. Os participantes han estar matriculados durante o curso 2020-2021 en centros docentes españois de Ensino Secundario Obrigatorio, Bacharelato ou Formación Profesional.
Premios
Concédense 40 premios en metálico e estancias en centros de investigación para os estudantes participantes.
Presentación de solicitudes
As solicitudes poderanse cumprimentar mediante o formulario de inscrición correspondente que será accesible por vía telemática a través da Sede Electrónica do Ministerio de Universidades e da páxina web http://www.educacion.gob.es