AXUDAS ESTATAIS A AUTÓNOMOS/AS PARA PALIAR A SITUACIÓN DERIVADA DA CRISE DO CORONAVIRUS
Protección ata o 31 de maio.
O Goberno aprobou a extensión dos ERTE e axudas aos autónomos ata o 31 de maio, con algunhas modificacións sobre os requisitos para que os autónomos puidesen acceder, por exemplo a baixada do 75% ao 50% da porcentaxe de caída de ingresos que se esixe para poder acceder á prestación compatible coa actividade.
A protección ante a pandemia do coronavirus para os/as autónomos/as articúlase ao redor do seguintes catro axudas.
- Prestación por suspensión de actividade, dirixida para os/as autónomos/as que se visen obrigados a suspender de forma temporal a súa actividade por decisión administrativa. Cobrarán o 50% da base mínima de cotización, sendo aumentada nun 20% se es membro dunha familia numerosa. Ademais exonéraselle de pagar as cotas da Seguridade Social.
- Prestación compatible coa actividade cando haxa caída de ingresos. É unha das axudas que modificará os seus requisitos para facela máis accesible, polo que poderán solicitala os/as autónomos/as cuxa facturación no primeiro semestre de 2021 caia un 50% (sobre ao 75% que eran anteriormente) fronte ao segundo trimestre de 2019. Estes autónomos/as cobrarán o importe da súa base de cotización.
- Prestación extraordinaria para quen non poden acceder ás dúas axudas anteriores. Quen non cumpran os requisitos para as duas anteriores, poderán solicitar esta axuda extraordinaria, cuxa contía é o 50% da base mínimo de cotización, a condición de que non superen o límite de ingresos no primeiro semestre, cuxo límite está establecido en 1,2 veces o SMI. Ademais Tampouco pagarán a cota de autónomo.
- Prestación para autónomos/as de tempada. Os/as autónomos/as cobrarán o 70% da base mínima e para poder acceder a esta prestación non deberán ter ingresos superiores a 6.650 euros no primeiro semestre de 2021.
Por último o Goberno tamén acordou non levar a cabo a subida progresiva dos tipos de continxencias profesionais e de cesamento (do 0,3%), previsto na Real Decreto-lei 28/2018.