Melloras que traerá consigo esta nova reforma do subsidio por desemprego en comparación coa Real Decreto Lei 7/2023, que foi derrogado:

• Base de cotización do subsidio por desemprego para maiores de 52 anos: Seguimos co 125% do Salario Mínimo Interprofesional (SMI) como referencia para os subsidios de persoas maiores de 52 anos.
• Compatibilidade: Agora, permítese a compatibilidade destes subsidios durante un máximo de 180 días, para usalos como apoio ao emprego.
• Protección ampliada: Amplíase a protección a traballadores/as fixos descontinuos, a emigrantes españois ao regresar a España e a vítimas de violencia de xénero.
• Eliminación de parcialidade: Xa non importará se tiñas un contrato a tempo parcial ou completo, a contía do subsidio será igual para todos/as, polo que desaparecerá a parcialidade dos subsidios por desemprego, que prexudicaba aos traballadores con contrato a tempo parcial.
• Mes de carencia: elimínase o mes de espera despois de esgotar a prestación contributiva.
• Apoio a traballadores/as eventuais agrarios: Unifícanse e amplían as prestacións por desemprego para este grupo.
• Acceso desde Marrocos: Traballadores que traballasen en Ceuta e Melilla e residan en Marrocos poden acceder á protección por desemprego, mesmo sen vivir en España.
• Pasarela ao IMV: Créase un sistema para trasladar prestacións do SEPE ao Instituto Nacional da Seguridade Social (INSS).
• Reserva de políticas activas de emprego: Destínase parte dos fondos de emprego para persoas maiores de 52 anos.