Resolución do 17 de febreiro de 2022, da Universidade de Santiago de Compostela, pola que se publica a convocatoria de probas selectivas para acceso á Escala de Axudantes de Arquivos, Bibliotecas e Museos, especialidade Bibliotecas.
No «Diario Oficial de Galicia», número 226, do 24 de novembro de 2021, publicáronse as bases da convocatoria polas que se rexerán as probas selectivas para cubrir 7 prazas na escala de axudantes de arquivos, bibliotecas e museos, especialidade bibliotecas, subgrupo A2, polas quendas de promoción interna e de acceso libre. O prazo de presentación de solicitudes é de vinte días naturais, contados a partir do seguinte ao da publicación deste anuncio no «Boletín Oficial do Estado»