AXENCIA DE TURISMO DE GALICIA
RESOLUCIÓN do 7 de xullo de 2025 pola que se establecen as bases reguladoras para a concesión de axudas, en réxime de concorrencia non competitiva, do programa #DescubreGaliciaenOutono a través dos bonos turísticos, se convocan para o ano 2025 e se abre o prazo para a adhesión dos establecementos de aloxamento turístico e axencias de viaxes (código de procedemento TU985F).
Os bonos estarán dispoñibles para a súa descarga polas persoas usuarias desde as 9.00 horas do día 18 de xullo ata o 19 de decembro de 2025 e a súa validez estenderase desde o 15 de setembro ata o 25 de decembro de 2025 (ambos incluídos).
Entidade colaboradora
A entrega e a distribución dos fondos das axudas farase coa entidade colaboradora seleccionada ao abeiro da Resolución do 16 de xuño de 2025 pola que se convoca o procedemento de concorrencia para a selección dunha entidade colaboradora para a entrega e distribución dos fondos das axudas do programa #DescubreGaliciaenOutono a través dos bonos turísticos (código de procedemento TU985E).
Actividade subvencionable
Subvencionaranse os servizos que presten os establecementos hoteleiros, apartamentos turísticos, vivendas turísticas, campamentos de turismo, establecementos de turismo rural e albergues da Comunidade Autónoma de Galicia, consistentes nunha estancia mínima dunha noite nos ditos aloxamentos turísticos. Quedan expresamente fóra do programa as vivendas de uso turístico. Poderán ser tamén obxecto da axuda outros servizos prestados directamente polos mencionados aloxamentos. Son tamén subvencionables os paquetes turísticos que oferten as axencias de viaxes que teñan un centro de traballo na Comunidade Autónoma de Galicia e desenvolvan as súas actividades dentro do sector turístico vinculado a Galicia, sempre que nos devanditos paquetes se inclúa o aloxamento en establecementos hoteleiros, apartamentos turísticos, vivendas turísticas, campamentos de turismo, establecementos de turismo rural e albergues da Comunidade Autónoma de Galicia.
Os gastos subvencionados serán os que se realicen desde o 15 de setembro ata o 25 de decembro de 2025 (ambos incluídos).
IMPORTE DO BONO: 150 EUROS
ACHEGA DA ADMINISTRACIÓN: 60 EUROS
ACHEGA DA PERSOA INTERESADA: 90 EUROS
Os bonos estarán dispoñibles na web www.bonoturismo.gal para a súa descarga polas persoas usuarias desde as 9.00 horas do día 18 de xullo ata o 19 de decembro de 2025 e a súa validez estenderase desde o 15 de setembro ata o 25 de decembro de 2025 (ambos incluídos).
https://www.xunta.gal/dog/Publicados/2025/20250714/AnuncioG0256-070725-0001_gl.pdf