-
on 18 Febreiro 2022
Inicia o programa formativo Medrando Xuntas, da Consellería de Emprego e Igualdade , e que xa vai pola súa sexta edición.
O programa está dirixido a todas as mulleres de entidades de economía social e ten como finalidade promocionar o talento feminino nestas entidades, visibilizar as potencialidades da economía social para o seu desenvolvemento profesional e ofrecer un curso específico enfocado para apoderar as mulleres.
O programa conta con dous itinerarios diferentes:
Medrando Xuntas directivas, para mulleres con responsabilidades de goberno e dirección.
Medrando Xuntas socias, para socias e traballadoras.
En ambos os casos os contidos están organizados en áreas temáticas vinculadas á xestión das organizacións e ás habilidades persoais, adaptados aos diferentes perfís das destinatarias.
A formación é gratuíta e desenvolverase no primeiro semestre en modalidade mixta, presencial (se a situación sanitaria o permite) e dixital a través da plataforma ZOOM.
Tamén contará con titorías online individuais para a mellora do desenvolvemento profesional das participantes. Ao finalizar o programa desenvolverase o V Foro participativo aberto ás mulleres da economía social galega.
Toda a información relativa a ambas as dúas formacións pode consultarse na páxina web da Rede Eusumo, nesta ligazón https://lnkd.in/dCFV6Dfe.
As inscricións poden realizarse a través de:
Formularios web (para directivas https://lnkd.in/dHzUJ-2i e socias https://lnkd.in/desHih77)
No enderezo electrónico Este enderezo de correo está a ser protexido dos robots de correo lixo. Precisa activar o JavaScript para velo.
No teléfono 605 545 606.
O prazo para inscribirse remata o 21 de febreiro de 2022.
-
on 18 Febreiro 2022
Blockchain, que é e como funciona
Cando: Luns 21 de febreiro de 12 a 13 horas
Audio márketing: crea e diferénciate da competencia cos podcast
Cando: Martes 22 de febreiro de 12 a 13 horas
Crea unha campaña de email márketing con MailChimp
Cando: Mércores 23 de febreiro de 12 a 13 horas
Así funciona Whatsapp Business
Cando: Xoves 24 de febreiro de 12 a 13 horas
Blockchain e criptomoedas
Cando: Xoves 24 de febreiro de 18 a 19 horas
Tamén podes inscribirte chamando por teléfono ao 886 202 020 ou enviando un correo a Este enderezo de correo está a ser protexido dos robots de correo lixo. Precisa activar o JavaScript para velo.
!! FORMACIÓNS EN LIÑA E TOTALMENTE GRATUÍTAS!!!
-
on 17 Febreiro 2022
lnclue 51 accións formativas que incidirán en:
RELEVOXERACIONAL
VISIBILIDADE DAS MULLERES
APLICACIÓN DE NOVAS TECNOLOXÍAS
INNOVACIÓN NO MEDIO RURAL
Toda a información: https://www.mapa.gob.es/es/prensa/ultimas-noticias/el-ministerio-de-agricultura-pesca-y-alimentaci%C3%B3n-impulsa-la-formaci%C3%B3n-como-herramienta-de-modernizaci%C3%B3n-en-el-medio-rural/tcm:30-592475#prettyPhoto
-
on 17 Febreiro 2022
Escola Galega de Administración Pública
RESOLUCIÓN do 24 de xaneiro de 2022 pola que se convocan cursos de prevención de riscos laboráis de nivel básico para persoal empregado público, traballador por conta allea ou autónomo, empresario e persoa con inquietudes no ámbito da prevención de riscos laborais.
O prazo de presentación de solicitudes será do 18 ao 27 de febreiro de 2022
https://www.xunta.gal/dog/Publicados/2022/20220217/AnuncioO150-240122-0001_gl.pdf
-
on 16 Febreiro 2022
Consellería de Emprego e Igualdade
RESOLUCIÓN do 7 de febreiro de 2022, da Dirección Xeral de Formación e Colocación, pola que se convocan probas de avaliación en competencias clave para acceder á formación dos certificados de profesionalidade dos niveis 2 e 3 de cualificación (código de procedemento TR306A).
Convócanse probas nos niveis de cualificación profesional 2 e 3, nas seguintes competencias clave:
• Comunicación en lingua galega.
• Comunicación en lingua castelá.
• Comunicación en lingua estranxeira (inglés).
• Competencia matemática.
Requisitos de participación
Poderán presentarse ás probas para a obtención do certificado de superación das competencias clave necesarias para o acceso á formación dos módulos formativos dos certificados de profesionalidade, tanto do nivel 2 como do nivel 3, as persoas que cumpran os dous seguintes requisitos:
a) Maiores de 16 anos ou que os teñan feitos en 31 de decembro do ano natural en que se celebran as probas;
b) Non estar en posesión de ningún dos requisitos de acceso á formación dos certificados de profesionalidade establecidos no artigo 2 da Orde do 7 de xaneiro de 2014 pola que se establecen os requisitos formativos para o acceso á formación dos certificados de profesionalidade de nivel 2 e 3 de cualificación profesional e se regulan as probas de avaliación en competencias clave dentro das accións formativas de formación profesional para o emprego na Comunidade Autónoma de Galicia (Diario Oficial de Galicia núm. 9, do 15 de xaneiro).
No anexo III desta resolución infórmase das titulacións, certificacións ou acreditacións oficiais que reúnen os requisitos formativos de acceso aos certificados de profesionalidade de nivel 2 e 3 de cualificación profesional a que se refire o punto anterior.
O prazo de presentación de solicitudes comezará a partir do día seguinte ao da publicación desta resolución no Diario Oficial de Galicia e rematará o 7 de abril de 2022.
Toda a información: https://www.xunta.gal/dog/Publicados/2022/20220216/AnuncioG0599-080222-0002_gl.pdf
Se tes algunha dúbida ou dificultade para inscribirte, desde o departamento de Orientación Laboral do Concello da Estrada, bótanche unha man: Chama ao teléfono: 986 677 788
-
on 16 Febreiro 2022
Consellería de Cultura, Educación e Universidade
RESOLUCIÓN do 4 de febreiro de 2022, da Secretaría Xeral de Educación e Formación Profesional, pola que se convocan as probas para a obtención do título de graduado en educación secundaria obrigatoria para maiores de dezaoito anos nas convocatorias de maio e setembro, e se ditan instrucións para a súa realización (código de procedemento ED540A).
Poderán participar nestas probas as persoas que cumpran os seguintes requisitos:
1. Ter cumpridos os dezaoito anos o día anterior á data de realización da proba.
2. Non estaren en posesión do título de graduado en educación secundaria.
3. Non estaren nin teren estado matriculadas no curso 2021-2022 nas ensinanzas de educación secundaria ordinaria nin nas de formación profesional básica.
4. O alumnado matriculado durante o curso 2021-2022 na educación secundaria para persoas adultas poderá inscribirse nas probas se previamente cumpre as seguintes condicións:
4.1. Para acudir á primeira convocatoria, o alumnado ten que solicitar a baixa nas ensinanzas do segundo cuadrimestre. Así mesmo, as persoas con ámbitos do primeiro cuadrimestre sen superar deberán renunciar á avaliación extraordinaria deses ámbitos.
Os prazos de matrícula serán:
– Convocatoria de maio: 7 de marzo ao 17 de marzo de 2022, ambos os dous incluídos.
– Convocatoria de setembro: 1 de xullo ao 8 de xullo de 2022, ambos os dous incluídos.
As persoas matriculadas para a primeira convocatoria, se non superan a totalidade dos ámbitos da proba, consideraranse matriculadas para a segunda convocatoria sen que teñan que presentar nova documentación.
INFORMACIÓN COMPLETA: https://www.xunta.gal/dog/Publicados/2022/20220216/AnuncioG0598-070222-0001_gl.pdf
AVISO LEGAL
As presentes Condicións Xerais regulan o uso (incluíndo o mero acceso) das páxinas da web, integrantes do sitio web de emprego.aestrada.gal incluídos os contidos e servizos postos a disposición nelas. Toda persoa que acceda á web,emprego.aestrada.gal (“Usuario”) acepta someterse ás Condicións Xerais vixentes en cada momento do portal emprego.aestrada.gal.