Cada unha das doce bolsas terá unha duración de doce meses, que poderá prorrogarse por un período máximo de seis meses, cando a conclusión dos estudos e traballos que se estean realizando así o aconsellen. A prórroga será acordada polo Presidente do Congreso dos Deputados, a proposta do Secretario Xeral da Cámara, previo informe favorable do Xefe de Departamento correspondente.

O inicio das bolsas comunicarase ás persoas beneficiarias simultaneamente á notificación da concesión. 

A contía total da bolsa será de doce mil novecentos euros (12.900 €) brutos por ano, que se percibirán finalizado cada mes a razón dunha contía bruta de mil setenta e cinco euros (1.075 €) e que estarán suxeitos ás retencións que proceda.

Así mesmo, os beneficiarios da bolsa contarán coa cobertura outorgada pola Seguridade Social, segundo a normativa vixente en cada momento, e dentro dos requisitos e condicións propios deste tipo de bolsas.