COMPLEMENTO AXUDA A INFANCIA DO INGRESO MÍNIMO VITAL 2025

25. 01. 16

O complemento de Axuda para a Infancia forma parte do Ingreso Mínimo Vital (IMV), aínda que se pode conceder de forma independente, é dicir, poden acceder a él, familias que, por renda, non poidan optar ao IMV, se cumpren determinadas condicións. 

Importe

O seu importe establécese en función do número de menores de idade membros da unidade de convivencia, e en función da idade que teñan o día 1 de xaneiro de cada ano, conforme os seguintes tramos (importes actualizados para 2025):

• Menores de tres anos: 115 euros.

• Maiores de tres anos e menores de seis anos: 80,50 euros.

• Maiores de seis anos e menores de 18 anos: 57,50 euros.

 

Requisitos

Teñen dereito ao recoñecemento deste complemento as unidades de convivencia que inclúan menores de idade entre os seus membros, cumpran todos os requisitos necesarios para a concesión do Ingreso Mínimo Vital, así como os establecidos respecto dos límites máximos sobre ingresos computables, patrimonio neto e test de activos para o complemento de Axuda para a Infancia:

• Ingresos inferiores ao 300% dos limiares establecidos na escala de incrementos para o cálculo da renda garantida segundo o tipo de unidade de convivencia:

• Que o patrimonio neto sexa inferior ao 150% dos límites fixados na escala de incrementos para o cálculo do límite de patrimonio aplicable segundo o tipo de unidade de convivencia:

• Cumprir o test de activos cuxo límite para un adulto será de 6 veces a renda garantida, cunha escala de incrementos igual á do límite de rendas segundo o tipo de unidade de convivencia:

Incompatibilidades

As prestacións ou axudas incompatibles co Ingreso Mínimo Vital o serán tamén do complemento de axuda para a infancia, aínda que se perciba de forma independente.

O complemento de axuda para a infancia tamén será incompatible coa asignación económica por fillo/a ou menor a cargo sen discapacidade ou con discapacidade inferior ao 33%.

Como solicito o complemento? 
Para solicitar o complemento de Axuda para a Infancia hai que realizar unha solicitude do Ingreso Mínimo Vital por calquera das canles establecidas no Instituto Nacional da Seguridade Social (INSS), en imv.seg-social.es, tanto se tes dereito a percibilo conxuntamente co IMV coma se o vas  solicitar de forma independente.
 
Unha vez recoñecida a prestación, todos os beneficiarios IMV, incluídos aqueles que unicamente sexan perceptores do complemento de axuda para a infancia, están obrigados a presentar anualmente a declaración correspondente ao Imposto sobre a Renda das Persoas Físicas.
 
No caso do CONCELLO DA ESTRADA, realizámosche este trámite desde o departamento de emprego. Podes chamarnos ao teléfono 986 677 740 ou pasarte polas nosas oficinas (1º andar) sen necesidade de cita previa.