CONSELLERIA DE EDUCACIÓN CONVOCA A PROBA PARA A OBTENCIÓN DO TÍTULO DE BACHAREL PARA MAIORES DE 20 ANOS

on 03 Marzo 2025

CONSELLERÍA DE EDUCACIÓN, CIENCIA, UNIVERSIDADES E FORMACIÓN PROFESIONAL

RESOLUCIÓN do 21 de febreiro de 2025, da Dirección Xeral de Formación Profesional, pola que se convoca a proba para a obtención do título de bacharel para maiores de vinte anos e se ditan instrucións para a súa realización (código de procedemento ED534A).

Poderán participar nesta proba as persoas que cumpran os seguintes requisitos:

a) Ser maior de vinte anos ou facer esa idade no ano 2025.

b) Non estar en posesión do título de bacharel ou de calquera outro título declarado equivalente para os efectos académicos.

c) Non estar a cursar ensinanzas de bacharelato en ningunha das súas modalidades ou réximes nin ter estado matriculado nesas ensinanzas no curso escolar 2024/25.

A proba realizarase en Santiago de Compostela os días 24 e 25 de abril de 2025 no IES San Clemente, rúa San Clemente, s/n, 15705 Santiago de Compostela.

As persoas interesadas en participar na proba presentarán unha única solicitude de inscrición (anexo I).

Na solicitude de inscrición deberase indicar a modalidade de bacharelato elixida e os exames en que se solicite inscrición. 

O prazo de presentación de solicitudes será do 6 ao 19 de marzo de 2025, ambos os dous incluídos.

https://www.xunta.gal/dog/Publicados/2025/20250303/AnuncioG0761-240225-0001_gl.pdf

INSERTA EMPREGO IMPARTE ACCIÓN FORMATIVA: “CERTIFICADO PROFESIONAL LIMPEZA DE SUPERFICIES E MOBILIARIO EN EDIFICIOS E LOCAIS ED. 1/25”

on 20 Febreiro 2025
Inserta Emprego pon en marcha a seguinte formación dirixida a persoas con discapacidade: “CERTIFICADO PROFESIONAL LIMPEZA DE SUPERFICIES E MOBILIARIO EN EDIFICIOS E LOCAIS ED. 1/25”, que se impartirá en Santiago de Compostela, en colaboración con GDOCE GRUPO EMPRESARIAL DE SERVIZOS (Polg. do Tambre, Vía Edison 1C, Santiago de Compostela).
 
O alumnado dispoñerá dunha bolsa estándar de asistencia ao curso de 11 euros diarios, que se podería incrementar en casos especiais (coidado de fillos/as menores de 12 anos ou de familiares dependentes ata o segundo grao de consanguinidade).
 
HORAS: 230
DATAS: 13/03/2025 ao 20/05/2025
CENTRO DE FORMACIÓN: GDOCE (Polg. do Tambre, Vía Edison 1C, Santiago de Compostela)
 
OBXECTIVO: Facilitar ás persoas demandantes de emprego con discapacidade, os coñecementos e as habilidades necesarias para realizar as tarefas de limpeza e mantemento de superficies e mobiliario en edificios e locais, seleccionando as técnicas, útiles, produtos e máquinas para garantir a higienización, conservación e mantemento, no seu caso, baixo a supervisión do profesional competente, cumprindo coa normativa aplicable en materia de seguridade e saúde.
 
LIGAZÓN PARA INSCRICIÓN: https://www.portalento.es/Candidatos/Cursos/Detalle/limpieza-de-superficies-y-mobiliario-en-edificios-y-locales/41909
 
PRAZO DE INSCRICIÓN: ata o 28 de febreiro.
 
Se tes algunha dúbida podes contactar con Vanesa Sobral nos teléfonos 981 55 44 83 | 664 633 016
 

SMARTPEME ESTÁ DE VOLTA NA ESTRADA (2)

on 20 Febreiro 2025

O servizo de asesoramento e axuda en capacitación tecnolóxica e dixital da Deputación de Pontevedra, SmartPeme volve a toparse activo en todas as súas oficinas: Vigo, O Porriño, Ponteareas, Pontevedra, Barro, Cambados e Lalín. De igual xeito, o servizo seguirá prestando atención na vila de A Estrada todos os segundos e últimos mércores de cada mes en horario de mañá (9.00 a 14.00h). 

Este servizo, de balde para negocios e proxectos emprendedores da provincia de Pontevedra, axuda a que persoas autónomas, emprendedoras e pequenas e medianas empresas poidan mellorar os seus recursos dixitais e ser máis eficientes no seu día a día grazas á dixitalización.

 Cales son as vantaxes do servizo?

  • ​Axuda en creación de páxinas web ou modificación de webs xa creadas
  • Axuda e orientación nas tendas en liña ou comercio electrónico
  • Asesoramento e axuda en posicionamento en buscadores
  • Axuda para mellorar redes sociais e mellorar o seu rendemento
  • Axuda en imaxe corporativa
  • Axuda e asesoramento tanto en marketing convencional coma en marketing dixital
  • Axuda co email marketing
  • Axuda e asesoramento en intelixencia artificial para automatizar procesos sinxelos

​​

O asesoramento é totalmente personalizado. A través de sesións individuais, abordanse necesidades específicas relacionadas coa transformación dixital, competitividade e innovación do negocio.
 
Ofrece formación continua. A través de obradoiros e actividades formativas, tanto presenciais como en liña, sobre diversas temáticas como xestión de redes sociais, comercio electrónico, ciberseguridade e máis. 
 
Rede de Puntos de Atención. Conta con varias oficinas distribuidas estratéxicamente en toda a provincia, facilitando o acceso aos seus servizos en diferentes comarcas.
 
Podes atopar o servizo todos os segundos e últimos mércores do mes no concello de A Estrada, no Viveiro de Empresas do Concello da Estrada.

SmartPeme é un recurso valioso e de balde para autónomos, empresas e emprendedores que busquen mellorar a súa competitividade e adaptarse ás esixencias do mercado actual mediante a incorporación de novas tecnoloxías e prácticas innovadoras.
 
Podes solicitar a túa cita coa asesora de SmartPeme A Estrada, Fátima Faílde, a través do mail Este enderezo de correo está a ser protexido dos robots de correo lixo. Precisa activar o JavaScript para velo. ou a través do teléfono 886 202 020.

ESCOLA GALEGA DE ADMINISTRACIÓN PÚBLICA CONVOCA CURSO DE PREVENCIÓN DE RISCOS LABORAIS DIRIXIDO AO PÚBLICO EN XERAL

on 20 Febreiro 2025

ESCOLA GALEGA DE ADMINISTRACIÓN PÚBLICA

RESOLUCIÓN do 12 de febreiro de 2025 pola que se convocan os cursos de prevención de riscos laborais de nivel básico para o persoal empregado público, traballadores/as por conta allea ou autónomos/as, empresarios/as e aquelas persoas con inquedanzas no ámbito da prevención de riscos laborais.

O prazo de presentación de solicitudes será do 21 ao 28 de febreiro de 2025.

https://www.xunta.gal/dog/Publicados/2025/20250220/AnuncioO150-120225-0001_gl.pdf

COGAMI IMPARTE CURSO DE XESTIÓN DE STOCK E CARRETILLA

on 19 Febreiro 2025

XESTIÓN DE STOCK E CARRETILLA

Duración: 50 horas teóricas + 60 prácticas

Lugar: Pontevedra

Data de inicio: 27 DE FEBREIRO

Solicitude de praza e información: 

Teléfono: 986 863 709

Mail: Este enderezo de correo está a ser protexido dos robots de correo lixo. Precisa activar o JavaScript para velo.

ACADEMIA GALEGA DE SEGURIDADE PÚBLICA CONVOCA CURSOS DE RECICLAXE DE SOCORRISMO ACUÁTICO, VÁLIDOS PARA A RENOVACIÓN DA INSCRICIÓN NO REXISTRO PROFESIONAL DO PERSOAL DE SOCORRISMO, INFORMACIÓN E PRIMEIROS AUXILIOS DE GALICIA

on 19 Febreiro 2025

ACADEMIA GALEGA DE SEGURIDADE PÚBLICA

RESOLUCIÓN do 14 de febreiro de 2025 pola que se convocan cursos de reciclaxe de socorrismo acuático, válidos para a renovación da inscrición no Rexistro profesional do persoal de socorrismo, información e primeiros auxilios de Galicia.

Destinatarios/as

Persoas inscritas no Rexistro profesional do persoal de socorrismo, información e primeiros auxilios de Galicia que estean obrigadas a renovar a inscrición antes do 31 de decembro de 2025. Non obstante, poderán inscribirse aqueles que teñen que renovar a inscrición con posterioridade á data sinalada, pero só serán seleccionados no caso de existiren prazas vacantes.

O prazo de inscrición será ata o 27 de febreiro de 2025 a partir do día seguinte ao da publicación desta resolución no Diario Oficial de Galicia.

https://www.xunta.gal/dog/Publicados/2025/20250218/AnuncioO3C2-110225-0001_gl.pdf